Keniyada polis maşını yoldan keçərkən yola döşənmiş minanın partlaması nəticəsində 8 polis həlak olub.
Bu barədə İnterpress.az xarici mediaya istinadən xəbər verir.
Şimal-Şərqi Bölgə komissarı Con Otieno təhlükəsizlik qüvvələrini daşıyan avtomobilə qarşı terror aktı törədildiyini bildirib.
“Bu hücumda 8 polis əməkdaşımızı itirdik. Təhlükəsizlik qüvvələrini və minik avtomobillərini hədəf alan hücumlarda Əl-Şəbabdan şübhələnirik”, – Otieno bildirib.
Hücumun Somali sərhədinə yaxın Qarissa bölgəsində həyata keçirildiyini qeyd edən Otieno terror təşkilatı Əl-Şəbabın daha əvvəl də eyni bölgəyə hücum etdiyini xatırladıb.
Somalidəki hücumları ilə gündəmdə olan Əl-Şəbab qonşu Keniyada da hücumlar təşkil edir.
