Filippində Mayon vulkanının püskürməsi nəticəsində başlayan lavanın aylarla davam edə biləcəyi xəbərdarlığı edilib.
Bu barədə İnterpress.az xarici mediaya istinadən xəbər verir.
Filippin Vulkanologiya və Seysmologiya İnstitutunun prezidenti Teresito Bakolkol ölkənin paytaxtı Manilanın 330 kilometr cənub-şərqində yerləşən Mayon vulkanından gələn lavanın davam etdiyini bildirib.
Mövcud axının insan həyatını təhlükəyə atmayacaq səviyyədə olduğunu qeyd edən Bakolkol sözügedən vulkanik hadisənin 3 ay və ya daha çox davam edə biləcəyi xəbərdarlığını edib.
Bakolkol bildirib ki, cərəyanlar yavaş hərəkət etsə də, insanlar diqqətli olmalıdırlar.
Mayon vulkanı 11 iyunda lava püskürməyə başlayıb və 18 min insan bölgədən təxliyə edilib.
