Meksikada 4 mərtəbəli binada baş verən partlayış nəticəsində 28 nəfər xəsarət alıb.
Bu barədə İnterpress.az xarici mediaya istinadən xəbər verir.
Meksikanın Aşağı Kaliforniya ştatında yerləşən Tixuana şəhərində 2 mərtəbəli binada partlayış baş verib. Partlayışda 3-ü ağır olmaqla ümumilikdə 28 nəfər yaralanıb, 2 nəfər dağıntılar altında qalıb.
Partlayış nəticəsində binanın ətrafındakı avtomobillərə də ziyan dəyib.
Yaralılar bölgəyə gələn 7 təcili yardım maşını ilə xəstəxanaya aparılıb, mülki müdafiə qrupları dağıntılar altında qalan 2 nəfərin xilas edilməsi üçün işlərə başlayıb.
Səlahiyyətlilər dağıntılar altında qalan 1 nəfərin yaralı olaraq xilas edilərək xəstəxanaya aparıldığını açıqlayıb.
Bundan əvvəl də eyni binada partlayış olub.
Partlayışın səbəbi hələ müəyyən edilməyib.
Hadisə şahidləri partlayışın qaz sızması səbəbindən baş verdiyini iddia edərək, 4 il əvvəl eyni binada daha bir partlayışın baş verdiyini bildiriblər.
