“Facebook”, “Instagram” və “WhatsApp”ın sahibi Meta, Microsoft da daxil olmaqla böyük bulud provayderləri ilə əməkdaşlıq edərək, Llama 2 süni intellekt dili modelini kommersiya baxımından istifadəyə verir.
Bu barədə İnterpress.az xarici mediaya istinadən xəbər verir.
Llama 2-nin yeni versiyasının tədqiqat və kommersiya məqsədli istifadə üçün açıq mənbə olaraq pulsuz olaraq təqdim ediləcəyi bildirilib.
Llama 2 üçün üstünlük verilən tərəfdaş olaraq Microsoft ilə ortaqlığın daha yüksək səviyyəyə qaldırıldığı bildirilib və məhsuldar süni intellekt sahəsində səylərin genişləndirildiyi vurğulanıb.
Qeyd edilib ki, bu gündən etibarən Llama 2 “Azure AI” model kataloqunda əlçatan olacaq və bu, Microsoft Azure-dan istifadə edən tərtibatçılara məzmunun filtrasiyası və təhlükəsizlik xüsusiyyətləri üçün buludda yerli vasitələrdən istifadə etməyə imkan verəcək.
Llama 2 yerli olaraq Windows-da işləmək üçün optimallaşdırılıb və müxtəlif platformalarda müştərilərə məhsuldar süni intellekt təcrübəsi təqdim edərkən tərtibatçılara problemsiz iş axını təmin edəcək.
Llama 2-nin Amazon Web Services (AWS), Hugging Face və digər provayderlər vasitəsilə də mövcud olacağı açıqlanıb.
