NATO ölkələrinin müdafiə xərcləri bu il 8,3 faiz artacaq.
Bu barədə İnterpress.az xarici mediaya istinadən xəbər verir.
NATO-nun açıqladığı statistik rəqəmlərə görə, bu ilin təxmini rəqəmləri NATO ölkələrinin ABŞ, Kanada və Avropadakı ümumi müdafiə xərclərinin tarixən artacağını göstərir.
Cari qiymətlər və valyuta məzənnələri nəzərə alınmaqla aparılan təxmini hesablamalara görə, ABŞ ardıcıl 9-cu ildir artan xərclərdə birinci yerdədir. ABŞ-ın müdafiə xərclərinin 860 milyard dollara çatacağı təxmin edilir.
NATO-nun statistikasında ABŞ-dan başqa üzvlərin ümumi xərclərinin 404 milyard dollara çatacağı, NATO ölkələrinin ümumi müdafiə xərclərinin isə 1,26 trilyon dolları keçəcəyi proqnozlaşdırılırdı.
Almaniyanın 68 milyard, İngiltərənin 65, Fransanın 56, İtaliyanın 31, Polşanın 29, Kanadanın 28 milyard dollara sahib olacağı bildirilir.
Müdafiə xərclərinin ümumi milli məhsulda payına görə birinci yeri Polşa tutub. 3,9 faizə çatan Polşadan sonra ABŞ-da 3,49 faiz, Yunanıstanda 3,01 faiz, Estoniyada 2,73 faiz və Litvada 2,54 faiz olub.
Türkiyənin müdafiə xərclərinin ümumi daxili məhsulda payının 1,31 faiz, xərclərinin isə 15,8 milyard dolları keçəcəyi təxmin edilir.
NATO-nun baş katibi Yens Stoltenberq rəqəmləri NATO üçün müsbət hesab etdiyini bildirib.
Bu il 31 NATO ölkəsindən 11-nin müdafiə xərclərinin 2 faizini keçdiyini bildirən Stoltenberq 2014-cü ildə bu rəqəmin 3 olduğunu, ABŞ-dan başqa NATO müttəfiqlərinin isə o ildən bu yana müdafiəyə əlavə 450 milyard avro xərclədiyini bildirib.
Bu il 8,3 faiz artımın onilliklər ərzində görünməmiş bir göstərici olduğunu bildirən Stoltenberq, Ukraynaya dəstək üçün silah və sursat istehsalının artırılması, müttəfiqlərin Ukraynaya göndərdiyi materialların dəyişdirilməsi üçün xərclərin artırılmasının lazım olduğunu vurğulayıb.
