Pakistanın Bəlucistan əyalətində terror aktı nəticəsində 1 polis ölüb, 1 polis yaralanıb.
Bu barədə İnterpress.az xarici mediaya istinadən xəbər verir.
Hadisə Bəlucistanın Turbat bölgəsində baş verib və qadın kamikadze hücum edib.
Hadisə zamanı ərazidəki təhlükəsizlik maşınına da ziyan dəyib.
Rəsmilər hücumun kimə qarşı yönəldiyinin hələlik məlum olmadığını bildiriblər.
Hücuma görə məsuliyyəti heç kim üzərinə götürməyib.
Son aylar Pakistanda, xüsusən də Hayber Paxtunxva və Bəlucistan əyalətlərində terror hücumları artıb.
İslamabad iddia edir ki, bu hücumlar Əfqanıstanda yerləşən Pakistan Talibanı (TTP) tərəfindən planlaşdırılıb və idarə olunub.
Yanvarın 30-da Pişəvərdə günorta namazı zamanı məscidə edilən hücumda əksəriyyəti polis olmaqla 102 nəfər, martın 6-da Bəlucistanda isə 10 təhlükəsizlik əməkdaşı həlak olub.
Mayın 19-da Bəlucistanın Zhob bölgəsində Camaat-e-İslami Partiyasının lideri Sirac əl-Həqin karvanına intiharçı hücumu həyata keçirilib. Partiyanın baş katibi Əmirül Əzim partiyanın lideri Haqqın intihar hücumundan yara almadan sağ çıxdığını və təcavüzkarın öldüyünü açıqlayıb.
