İranda qum fırtınası səbəbindən Sistan-Bəlucistan əyalətinin Zabul şəhərində aviareyslər təxirə salınıb.
Bu barədə İnterpress.az xarici mediaya istinadən xəbər verir.
Sistan-Bəlucistan əyalətinin dövlət qurumları və bankları fırtına səbəbindən bu gün 2 saatlıq gecikmə ilə işə başlayacaq.
Mahan Hava Yolları da qum fırtınası səbəbindən Zabul şəhərinə uçuşların ləğv edildiyini açıqlayıb.
Qum fırtınasının gələn həftənin ortalarına qədər ştatın şimal hissələrinə təsirini davam etdirəcəyi bildirilir.
Sistan-Bəlucistan Böhran İdarəetmə Baş Meneceri Məcid Mohibbi iyulun 17-də verdiyi açıqlamada bildirib ki, Zabul, Zehek, Hamun, Hirmend və Nimruz şəhərlərində qum fırtınasının daşıdığı incə toz səbəbindən 12 iyuldan bu yana 1047 nəfər xəstəxanalara müraciət edib.
