Payızda Moskvaya ballistik zərbələr endiriləcək.
İnterpress.аz xəbər verir ki, bu barədə xarici KİV məlumat yayıb.
“Fire Point” təşkilatının rəhbəri Ştilerman Rusiya-Ukrayna münaqişəsi və Rusiyanın daxili bazarı ilə bağlı bir sıra səs-küylü bəyanatlar səsləndirib.
O, bu payızda Moskva şəhərinə kütləvi ballistik raket zərbələrinin endiriləcəyini iddia edib.
Ştilerman həmçinin vurğulayıb ki, Ukrayna rəsmi olaraq 1991-ci il sərhədlərini tam bərpa etməyənə və Rusiya Federasiyası rəsmən süqut edib parçalanmayana qədər bu müharibə başa çatmayacaq.
“Fire Point” rəhbəri hərbi-siyasi bəyanatlarla yanaşı, Rusiyanın iri onlayn ticarət nəhənglərini də hədəf alıb.
O, “Biz əvvəlcə ‘Wildberries’i tam sıradan çıxaracağıq, bundan sonra isə ‘Ozon’ platformasını məhv edəcəyik” deyərək açıq şəkildə hədə-qorxu gəlib.
Onun bu iddiaları sosial şəbəkələrdə geniş müzakirələrə yol açıb.
Xuraman Etibarlı
İnterpress.аz
