Şimali Koreyanın qəzaya uğrayan casus peyki ilə bağlı araşdırmalar başa çatıb.
Bu barədə İnterpress.az xarici mediaya istinadən xəbər verir.
Cənubi Koreyanın Birləşmiş Qərargah Rəisləri Şimali Koreyanın mayın 31-də buraxdığı və texniki nasazlıq nəticəsində qəzaya uğrayan “casus peyki”nin hissələrinin tədqiqini başa çatdırıb.
“Kəşfiyyat peyki kimi onun hər hansı hərbi təyinatlı olması nəzərə alınmayıb”, – məlumatda deyilir.
Cənubi Koreya Baş Qərargahının bəyanatında deyilir: “Cənubi Koreya ordusu mayın 31-də kosmosa göndərdiyi Şimali Koreya kosmik gəmisinin qalıqlarının axtarışını başa çatdırıb”.
Axtarış əməliyyatı 36 gün ərzində donanma gəmiləri, təyyarələr və dalğıclarla aparılıb: “Şimali Koreya peykinin böyük hissələrinin ələ keçirilməsindən sonra Cənubi Koreya və Amerika mütəxəssisləri tərəfindən diqqətlə təhlil edildikdən sonra belə qənaətə gəlindi ki, peykin kəşfiyyat peyki kimi hərbi faydası yoxdur”.
Şimali Koreya mayın 31-də “Casus peyki”ni kosmosa göndərdiyini açıqlayıb. Balistik raket texnologiyası ilə buraxıldığı bildirilən peyk texniki nasazlıq nəticəsində dənizə düşüb. Daha sonra Cənubi Koreya orbitə buraxılan peykin hissələrini araşdırmaq üçün axtarışlara başlayıb.
Şimali Koreyanın hərəkətindən sonra bir çox yüksək rütbəli məmurlar qınama mesajı verdilər. Birləşmiş Millətlər Təşkilatının Baş katibi Antonio Quterreş bu hərəkəti pisləyib və Şimali Koreyanı dialoqa çağırıb.
ABŞ-ın Hind-Sakit Okean Komandanlığı (USINDOPACOM), sözügedən buraxılışın Şimali Koreyanın qitələrarası ballistik raket proqramı ilə birbaşa əlaqəli texnologiyaları ehtiva etdiyini ifadə edərək, “Biz vəziyyəti müttəfiqlərimiz və tərəfdaşlarımızla yaxın koordinasiyada qiymətləndiririk. Bu hadisənin ABŞ-ın şəxsi heyəti, ərazisi və müttəfiqlərimiz üçün dərhal təhlükə yaratmadığını qiymətləndirdik, lakin vəziyyəti izləməyə davam edəcəyik. ABŞ-ın ölkənin müdafiəsi və Koreya Respublikası və Yaponiyanın müdafiəsi ilə bağlı öhdəliyi sarsılmaz olaraq qalır.
