Biz Ermənistana o qədər pul yatırmışıq, amma ABŞ sadəcə Paşinyanı satın almaqla orada öz bazasını qurur.
İnterpress.az xəbər verir ki, bunu Kremlin aparıcı təbliğatçısı Vladimir Solovyov canlı efir zamanı deyib.
“Tramp deyir: “Panama bizimdir”. Niyə biz Ermənistana o qədər pul yatırdığımızı deyə bilmərik ki, ABŞ-nin sadəcə Paşinyanı satın almaqla orada öz bazasını qurmasına sakit baxa bilmərik.
Davamlı olaraq üzümüzə tüpürür, istədiklərini edir və bunların heç birinə ehtiyac olmadığını deyirlər. Biz özümüzü silib “bizim münasibətimiz var” deyirik. Qafqazda öz milli maraqlarımız olduğunu desək necə olar?
İranla münasibətlərimiz indi yeni səviyyəyə qalxır, amma orada nə quru dəhlizi var, nə də ümumi sərhəd. Bəs biz Gürcüstana və Ermənistana sakitcə “Orada quru dəhlizinin olması bizim milli maraqlarımıza uyğundur” desək necə olar?
Biz bunu 2008-ci ildə həyata keçirə bilərdik. Amma onlar bizə deyəcəklər: “Siz nə edirsiniz?! Siz imperialistsiniz, müstəmləkəçisiniz, necə cəsarət edirsiniz?!”
Yəni Qrenlandiya mümkündür, Kanada mümkündür, Panama mümkündür, amma Rusiya revizionistdir. Niyə bunu dərhal demədiniz?”, – Solovyov bildirib.
Xuraman Etibarlı
İnterpress.az
