Qonşu Gürcüstanın Çxoroçğu bələdiyyəsinin Lesiçine dövlət məktəbinin məzunları son zəngi qeyd edərkən qəza törədib.
İnterpress.az xəbər verir ki, hadisə Xobi bələdiyyəsində baş verib.
Əldə olan məlumata görə, tələbələrin getdiyi avtomobil dayanmış avtomobillə toqquşub.
Qəza nəticəsində bir nəfər xəsarət alıb.
Çxoroçğu təhsil resurs mərkəzinin rəhbəri Lia Calağonianın sözlərinə görə, xəsarət alan şəxs yüngül kəllə-beyin travması alıb və o, artıq klinikanı tərk edib.
“Məktəbi 8 şagird bitirib. Onlar cəmi 6 maşınla yola düşüblər. Valideynlər də onları müşayiət edirdi.
Sükan arxasında böyüklər də oturmuşdu. Bildiyimə görə, polis onu buradan uzaqlaşdırıb. Yalnız bir oğlan yaralanıb, xəstəxanaya aparılıb, o, artıq evə buraxılıb. Hər il bu baş verir və biz bu ənənəni dayandırmaq üçün mübarizə aparmalıyıq. Bu səhv qərardır”, – Lia Calağonia bildirib.
Hadisə yerinə patrul polisi səfərbər edilib.
