Sudanda qubernator Hamis Abdullah Abbekerin başçılıq etdiyi dövlət təhlükəsizlik komitəsi sərhəddə yerləşən Fora Baranqa məhəlləsində yaşanan təhlükəsizlik problemləri səbəbindən əyalətdə bir ay müddətinə fövqəladə vəziyyət elan edib.
Bu barədə İnterpress.az xarici mediaya istinadən xəbər verir.
Ölkənin qərb qonşusu Çad ilə iki həftə ərzində saat 19:00-07:00 arası komendant saatı tətbiq edib.
Məlumata görə, qəbilələr arasında gərginlik Qərbi Darfur əyalətində iki nəfərin “müəmmalı şəkildə öldürülməsindən” sonra başlayıb.
Yanvarın 17-də Birləşmiş Millətlər Təşkilatı Qərbi və Cənubi Darfur əyalətlərində qəbilə münaqişələri bölgələrində 117 mindən çox insanın didərgin düşdüyünü, 3500 nəfərin isə Çada sığındığını açıqlayıb.
Ölkənin qərbində 5 əyalətdən ibarət olan Darfur bölgəsində qəbilə qarşıdurmaları səbəbindən hər il yüzlərlə insan həyatını itirir, minlərlə insan didərgin düşür.
Fərdi silahlanmanın ortaq olduğu bölgədə tayfalar arasında torpaq, otlaq və su ehtiyatları kimi münaqişələr səbəbindən zaman zaman qarşıdurmalar baş verir.
BMT-nin məlumatına görə, 2003-cü ildə Darfur bölgəsində hökumət qüvvələri ilə silahlı hərəkatlar arasında başlayan qarşıdurmalarda 3 milyon insan öz ev-eşiyindən didərgin düşüb, 300 mindən çox insan həlak olub.
