Gürcüstanın paytaxtı Tbilisinin Vazisubani şəhərində yaşayış binalarından birində yanğın baş verib.
Bu barədə İnterpress.az yerli mediaya istinadən xəbər verir.
Məlumata görə, yanğına səbəb ikinci mərtəbədəki mənzildə su qızdırıcısının partlaması olub.
Məlumata görə, yaşayış evində baş verən partlayışda 3 nəfər xəsarət alıb.
Onların hər üçü klinikaya köçürülüb. Ciddi xəsarətləri olan bəzi zərərçəkənlərə yerindəcə kömək göstərilib.
Hadisə yerinə yanğınsöndürmə xidməti və polis səfərbər edilib.
Hazırda yanğının söndürüldüyü bildirilib.
