“Avroviziya 2022” mahnı müsabiqəsinin məşqlər cədvəli ictimaiyyətə təqdim olunub.
İnterpress.az xəbər verir ki, ilk məşq aprel ayının 30-da Albaniya ilə start götürəcək.
Daha sonra isə çıxış sıralamasına uyğun olaraq digər ölkələr də Turin səhnəsində ilk çıxışlarını edəcək.
Ölkəmizi təmsil edən Nadir Rüstəmli isə 2 may tarixində Bakı vaxtilə təxminən saat 14:00-da ilk məşqi üçün səhnəyə çıxacaq. İlk məşqlər ictimaiyyətə və jurnalistlərə qapalı olacaq və 3 mayda yekunlaşacaq.
Təmsilçimizin ikinci məşqi isə 5 may Bakı vaxtı ilə saat 15:30-da başlayacaq.
Yarımfinalçıların ikinci məşqi 4 mayda başlayıb 6 mayda bitəcək. 7 maydan etibarən isə birbaşa finalçılar öz məşqini edəcək.
Nəhayət, 9 mayda ilk yarımfinal iştirakçıları üçün ailə şousu, geyim məşqləri və jüri yarımfinalı baş tutacaq. 11 mayda isə eyni proqram ikinci yarımfinal üçün baş tutacaq.
Böyük final məşqləri və münsif finalı 13 mayda baş tutacaq.
