Təhlükəli xəstəlikləri olan sürücülərin vəsiqələri avtomatik ləğv ediləcək
İnterpress.az xəbər verir ki, bu barədə Rusiya mediası məlumat yayıb.
2027-ci ilin martından etibarən tibb müəssisələri sürücülük üçün əks-göstəriş hesab olunan xəstəliklər barədə məlumatları birbaşa Rusiya Daxili İşlər Nazirliyinə göndərəcək.
Söhbət, xüsusilə epilepsiya, korluq və bəzi psixi pozuntulardan gedir. Məlumat daxil olduqdan sonra sürücüyə növbədənkənar tibbi müayinədən keçməsi üçün üç ay vaxt veriləcək.
Diaqnoz təsdiqlənərsə və xəstəlik avtomobil idarə etməyə imkan verməzsə, sürücülük vəsiqəsi ləğv ediləcək. Əks-göstəriş aşkarlanmadıqda isə vəsiqə qüvvədə qalacaq.
Yeni sistemin məqsədi ciddi xəstəlikləri olan şəxslərin növbəti planlı tibbi yoxlamaya qədər, yəni 10 il ərzində avtomobil idarə etməsinin qarşısını almaqdır.
Xuraman Etibarlı
İnterpress.az
