Kocaelinin İzmit rayonunda su kanalında tərk edilmiş körpə tapılıb.
Bu barədə İnterpress.az yerli mediaya istinadən xəbər verir.
Vətəndaşlar Malta səmtinin Malta küçəsində su kanalında ağlayan uşağın səslərini eşidib və yoxlama zamanı tərk edilmiş qız uşağı tapıblar. Hadisə yerinə gələn polis və təcili yardım körpəni Kocaeli Şəhər Xəstəxanasına aparıb.
Xəstəxanada müayinə olunan körpənin səhhətinin yaxşı olduğu müəyyən edilib.
Ailə və Sosial Xidmətlər İl Müdirliyinə təhvil veriləcəyi bildirilən körpənin ana və ya atasının tapılması üçün iş başladılıb.
