Türkiyənin ilk yerli mühəndislik məhsulu olan freqatı: “TCG İSTANBUL” təqdim olunub.
İnterpress.az xəbər verir ki, bu barədə Türkiyə mətbuatı məlumat yayıb.
Türkiyəli mühəndislər tərəfindən layihələndirilən ilk türk freqatı “TCG İSTANBUL” ölkənin hərbi dəniz sənayesində yeni mərhələnin əsasını qoyub.
Məlumata görə, gəminin yerlilik səviyyəsi 80% təşkil edir.
Bu yüksək göstərici o deməkdir ki, freqatın daxili sistemləri, avadanlıqları və istifadə olunan texnologiyaların böyük əksəriyyəti birbaşa Türkiyə daxilində yerli şirkətlər və mühəndislər tərəfindən hazırlanıb istehsal olunub.
Komponentlərin yalnız təxminən 20%-i xarici ölkələrdən idxal edilib.
Xuraman Etibarlı
İnterpress.az
