Türkiyəyə PUA-ların kameralarını satmaqdan itmina edən Kanada şirkəti müflis oldubackend

Türkiyəyə PUA-ların kameralarını satmaqdan itmina edən Kanada şirkəti müflis oldu

  • whatsapp
  • messenger
  • telegram
  • vkontakte
  • odnoklassniki

Vətən Müharibəsində Azərbaycanın işğalçı Ermənistan ordusuna qarşı “Bayraktar” TB2 pilotsuz uçuş aparatlarından (PUA) istifadə etdiyi üçün Türkiyəyə embarqo tətbiq edən Kanadanın “Telemus Systems Inc.” şirkəti müflis olub.

Bu barədə Trend audit, vergi və tərcümə xidmətləri göstərən KPMG-nin hesabatına istinadən bildirib.

Qeyd edək ki, “Telemus Systems Inc.” şirkəti Türkiyə istehsalı olan PUA-ları müşahidə kameraları və digər elektron avadanlıqlarla təchiz edib və onun əsas müştəriləri Türkiyə müəssisələri olub. Kanada hökuməti həmin ilin oktyabrında Türkiyəyə Vətən Müharibəsində Azərbaycana dəstəyinə görə silah embarqosu qoyub. Bundan sonra “Telemus Systems Inc.” şirkəti məhsullarını satarkən problemlərlə üzləşməyə başlayıb.

2020-ci ildə “Telemus Systems Inc.” şirkətinə 360 min dollar, bu il iyulun 31-də isə 1,1 milyon dollar məbləğində ziyan dəyib. Şirkət bu ilin avqustunda istehsalı dayandırıb.