Nəqliyyat şəbəkəsi şirkəti Uber xərclərə qənaət səbəbindən 200 işçini ixtisar edir.
Bu barədə İnterpress.az xarici mediaya istinadən xəbər verir.
Şirkətin işçilərinə göndərdiyi qeyddə 200 işçinin ixtisar edilməsinin çətin iqtisadi şəraitdə xərclərə qənaət edəcəyi bildirilib.
Uberin işə götürmə komandasının 35 faizinə təsir edəcək ixtisarlar onun ümumi işçilərinin yüzdə 1-dən azını təşkil edir, şirkətin bu il daha yüzlərlə işçini, əsasən də daşıma bölməsində və xaricə ərzaq çatdırılması əməliyyatlarında ixtisar etdiyi qeyd edilib.
Xəbərdə şirkətin dünya üzrə 32 mindən çox işçisi olduğu və Uber sürücülərinin işçilərin sayına daxil edilmədiyi bildirilib.
