Ukrayna Mirage-2000 qırıcısını itirib.
İnterpress.az xəbər verir ki, bu barədə Ukrayna Hərbi Hava Qüvvələri məlumat yayıb.
Məlumata görə, 22 iyul 2025-ci il axşam saatlarında Mirage 2000 qırıcısı qəzaya uğrayıb.
Qeyd olunur ki, uçuş missiyası zamanı təyyarənin avadanlıqlarında nasazlıq yaranıb. Pilot problem barədə uçuş direktoruna məlumat verib.
“”Mirage-2000 pilotu böhranlı vəziyyətdə bacarıqla hərəkət etdi; təyyarəni xilas etmək onsuz da mümkün deyildi. Lakin pilot təyyarəni təhlükəsiz yerə, məskunlaşan ərazidən uzaq bir yerə yönəltmək üçün hər şeyi edib.
Pilot uğurla katapult edib. Axtarış-xilasetmə qrupu pilotu tapıb, vəziyyəti stabildir. Yerdə itki yoxdur”, – məlumatda deyilir.
Hadisənin səbəblərini müəyyən etmək üçün xüsusi komissiya yaradılıb.
Səmada təyyarələrdə böhran vəziyyətləri baş verir və bu xüsusi qəzanın səbəbləri müəyyən ediləcək.
Qeyd edək ki, bu, Ukraynada Fransanın “Mirage-2000” qırıcısının itməsi ilə bağlı ilk məlum hadisədir.
Xuraman Etibarlı
İnterpress.az
