Bakıda iki polis əməkdaşı bıçaqlanıb. Hadisə “Sədərək” ticarət mərkəzində qeydə alınıb.
Hüquq-mühafizə orqanlarından verilən məlumata görə, ticarət mərkəzinin “Elit” bölməsində müştəri- 1992-ci il təvəllüdlü İsmət Əli oğlu Bəkirov qadağan edilmiş ərazidə siqaret çəkdiyi zaman Daxili İşlər Nazirliyinin Qaradağ rayon Mühafizə Polisi İdarəsinin iki əməkdaşı- Ağayev Şaiq və Qəmbərov Vüqar, İsmət Bəkirova yaxınlaşaraq ondan siqareti qadağan edilmiş ərazidə çəkdiyini və əlindəkini söndürməsini istəyiblər. Bu zaman İsmətlə polis əməkdaşları arasında mübahisə yaranıb və nəticədə iraddan xoşu gəlməyən şəxs cibindən çıxardığı bıçaqla hər iki polis əməkdaşına bədən xəsarətləri yetirib.
Xəsarət alan hüquq-mühafizə orqanı əməkdaşları dərhal Daxili İşlər Nazirliyinin Qospitalına çatdırılıb.
Xəstəxanadan ANS PRESS-ə hər iki yaralının vəziyyətinin normal olduğunu bildirdilər.
Faktla bağlı Qaradağ Rayon Prokurorluğunda cinayət işi açılıb, araşdırma aparılır.(anspress)
Interpress
