Bəli, zəncəfil müqəddəs kitabımızda adı çəkilən yeganə ədviyyatdır. Amma çox təəsüf ki, biz bu dəyərli bitkidən lazımi dərəcədə istifadə etmirik.
Mən, demək olar, bütün bitki tərkibli qarışımlarda, məcunlarda zəncəfildən çox istifadə edirəm. Zəncəfilin faydalarını yazandan sonra onun daha geniş işlədilməsi üçün istifadə qaydalarını da yazacam inşallah.
Zəncəfil mədə bağırsağın hərəkətini artırır, bədəndən köpü çıxardır, mədə-bağırsaq ağrılarında çox faydalıdır.
Zəncəfil həmçinin həzmin ağır getməsində faydalıdır, iştahaçıcıdır, ürəkbulanma zamanı zəncəfil qatılmış çayın içilməsi ürəkbulanmanı qarşısını alır, hətta hamilə qadınlar zəncəfildən istifadə edə bilərlər.
Zəncəfil cinsi istəksizlikdə (zəiflikdə) faydalı olmaqla yanaşı həm də spermanın miqdarını artırır, buna görə də sonsuzluğun müalicəsində balla qarışdırıb məcun hazırlanılır və istifadə edilir.
Zəncəfil bədənində, əlində və ayağında soyuqluq olanlar üçün əsl şəfadır. Zəncəfil bədəndə qan dolaşımını artırır bununla da bütün iltihabı xəstəliklərin müalicəsində çox faydalıdır.
Məsələn revmatizma xəstəliyində faydalıdır.
Zəncəfil çox yaxşı tebii ağrıkəsicidir. Beynimizə gedən qanın miqdarını artırır, skleroz alshaymer kimi xəstəliklərin əvvəlcədən baş verməsinin qarşısını alır, insanın hafizəsini və əzbərləməsini dərinləşdirir.
Zəncəfil həmçinin yaddaşsızlıq ve diqqətsizliyi aradan qaldırmağa kömək edir.
Bronxit xəstəliyi üçün faydalıdır, bəlğəmin tərkibini durulaşdırır. Soyuqdəymələr və boğazgəlməsi üçün faydalıdır, çünki çox yaxşı tərleədicidir.
Bütün saydığım xəstəliklər zamanı zəncəfilin çayından və məcunundan istifadə edə bilərsiniz.
Çayı belə hazırlanılır:
– üçdə bir çay qaşığı zəncəfil tozunu 1 stəkan adi çaya vəya qaynar suya qarışdırıb gündə üç dəfə yeməkdən əvvəl bir stəkan içə bilərsiniz. Eyni zamanda bu çay piylərin əriməsinə və adamın arıqlamasına səbəb olur.
Məcun isə belədir:
– 50 qram zəncəfil 500 qram bal ilə qarışdırılır, gündə üç dəfə yeməkdən əvvəl bir çay qaşığı yəyilir.
Sağlamlıq üçün 1 xörək qaşığı bal bir çay qaşığı alma sirkəsi üçdə bir çay qaşığı zəncəfil bir birinə qaynadılmamış suda qarışdırıb bir stəkan səhər bir stəkan axşam yatmazdan əvvəl içilir.
Ümumiyyətlə zəncəfil tozunu meyvə şirəsinə, adi çaya, salatlara hetta sulu yeməklərə qarışdırıb istifadə edə bilərsiniz.
Yaxşı olardı ki, zəncəfili özünüz alıb üyüdəsiniz və hava buraxmayan qabda saxlayasınız. Bu həm çox ətirli olur həm də təmiz olmasına şübhə qalmır.
İranda bütün ədviyyat satılan yərlərdə belə tozların qarışımı satılır, məsələn zəncəfilə bənzər toz sarıkök, istiot və sair qarışımları satılır, ona görə də həç nəyi toz formasında almayın!
İnterpress.az
