Effektli üsullar
Meyvə və tərəvəzlər və onların şirələri
Həftədə 2 dəfə yalnız meyvə və tərəvəzləri yeyin (məhdudiyyət yoxdur) və onların şirələrini için.
Tərəvəzləri salatlar, bişmiş, pörtlədilmiş şəkildə yeyin (yağsız).
Gün ərzində 2-3 stəkan təzə meyvə və tərəvəz şirələri qəbul edin. Ən faydalı şirələr arasında – kök və çuğundur şirələrinin qarışığı (1:1), alma, xiyar, albalı, qavalı, ərik və s. şirələr.
Qarpız
Həftədə 1 dəfə qarpız pəhrizi tətbiq edin. Gün ərzində yalnız təxminən 3 kq qarpız əti yeyin. Su və otlardan hazırlanmış çayları (itburnu, çobanyastığı, kəklikotu, reyhan, nanə və s.) içə bilərsiniz.
Kefir və alma
Həftədə 1 dəfə alma-kefir pəhrizi tətbiq edin. Gün ərzində 2 l təbii kefir və 2 kq alma yeyin.
Su və bitki çayları içmək olar.
Bu üsulların tətbiqindən bir müddət sonra siz yüngüllük, gümrahlıq, əhval-ruhiyyənin yaxşılaşmasını hiss edəcəksiniz, dəriniz təmizlənəcək, artıq çəkiniz isə azalacaq.
Nəzərə almaq lazımdır ki, bu üsullardan yalnız sağlam insanlar istifadə edə bilər. Sizdə hər hansı ciddi xroniki xəstəlik varsa (xüsusilə mədə-bağırsaq, böyrək və s. ), mütləq həkimlə məsləhətləşin. (saglamolun.az)
İnterpress.az
