Bilmək vacibdir
Gilas
A, C, K vitaminləri ilə zəngin olan gilas xərçəng hüceyrələrinə qarşı müalicəyə, stressə, şəkərə faydalı olsa da, aspirin təsiri yaratdığı üçün qanı duruldur. Buna görə də qandurulducu dərman istifadə edənlər bu meyvənin qəbulu zamanı diqqətli olmalıdır. Gün ərzində 1 boşqabdan çox albalı qəbul etmək olmaz.
Qarpız
95 faizi su olan qarpız antioksidant təsirə malikdir. Xərçəngə, ürəkdə iflicə qədər bir çox xəstəliyə faydalıdır. Ancaq qlisemik təsiri yüksək olduğu üçün qan şəkərini yüksəldə və tez acmağa səbəb olur. Gün ərzində 3 dilim qarpızın qəbulu kifayətdir. Diabet xəstələri qarpızı pendirlə qəbul edə bilərlər.
Şaftalı
Yayda sərinləşdirici təsirə malik olan şaftalı antioksidant xüsusiyyətə malikdir. Şaftalının qabığında bakteriyanın olması riski yüksəkdir. Ona görə də mütləq qabığını soyaraq qəbul etmək lazımdır. Gündə bir ədəd qəbul etmək kifayətdir.
Böyürtkən
Xərçəng və şiş hüceyrələrinin inkişafını maneə törədən böyürtkən, tənəffüs yolu xəstəliklərinə qarşı da faydalıdır. Ancaq aspirinə qarşı allergiyası olanlar bu meyvədən yeməsələr, daha yaxşı olar.
Alça
Alça ürək və böyrəkdən qaraciyərə qədər bir çox orqanizmə xeyirlidir. Həzm sistemi həssas olanlar və dişi çürük uşaqlar bu meyvədən yeyərkən diqqətli olmalıdır. Normadan artıq yemək sağlamlıq üçün ziyanlıdır. Duza batırılaraq yeyilən alça yüksək təzyiq riskini artırır.
Əncir
Dəmir, maqnezium, kalsium, fosforla zəngin meyvə olan əncir digər meyvələrə görə daha çox lif məzmununa sahibdir. Qansızlığa, qəbizliyə, xərçəngə qarşı faydalıdır. 1 əncir bir boşqab meyvəyə bərabərdir.
Yemiş
Yemişin qoxusu iştahanı açır, ürəyi gücləndirir və sakitləşdirici təsirə malikdir. Tərləmə probleminə faydalıdır, quru dərini nəmləndirir. Xora və diabet xəstələri üçün yemiş yemək zərərlidir. Gündə 1 dilimdən artıq yeməmələri məsləhətdir.
Ərik
A, B, C, P vitaminləri ilə zəngin olan ərik immunitet sistemini qüvvətləndirir, qəbizlik, qansızlıq və miqrenə yaxşı təsir göstərir. Lakin həddən artıq istifadə edilərsə, qan şəkərinin yüksəlməsinə səbəb olur.
Armud
Ürək xəstəliklərinə, xərçəngə faydalı olan armud yayın şəfalı meyvələrindəndir. Aşağı təzyiqli insanların bu meyvəni qəbul edərkən diqqətli olmalıdır. Günə bir armud kifayətdir.
Üzüm
Üzüm yaşlanmağın qarşısını alır və yorğunluğu aradan qaldırır. Lakin qaraciyər piylənməsi olan və hamilə qadınlar üzümü diabet xəstələri kimi diqqətli qəbul etməlidir.
İnterpress.az
