Bu şəhərdən olan zərərçəkmiş 25 yaşlı xanımın adı Kamleş Ratordur. Qadın 27 yaşlı səkkiz illik ərinin toydan bəri hər gün 50 min rupi (750 ABŞ dolları) verilməsini tələb etdiyini söyləyib.
Hindlilərin sosial həyatında cehiz və ya “dahey” xüsusi yer tutur. Dahey qızın ər evinə apardığı daşınar və daşınmaz əmlakdır.
Əvvəllər qadınların valideyn əmlakını miras olaraq almağa hüquqları yox idi. Valideynlər öldüyü halda bütün var-dövlətləri kişi cinsindən olan varislərə keçirdi. Mirasın bir qisminə sahib çıxmağın yeganə leqal yolu toy idi.
“O, hər gün mənə cehiz barədə xatırladırdı, 5000 rupi ödənilməsini tələb edirdi. Mən atamın xəstə olduğunu və hazırda çətinliklərlə üzləşdiyi, bu səbəbdən tələb olunan məbləği ödəmək imkanına malik olmadığını izah edirdim.
Sanciv ailəli olduğumuz səkkiz il ərzində məni döyüb. Bunun üçün əlinə keçən hər şeydən istifadə edirdi, toqqadan dəyənəyə qədər. Həmişə sərxoş olurdu, məni satacağı ilə hədələyirdi”- deyə Kamleş Rator söyləyir.
Sentyabrın 14-də əri yenidən pul barədə tələblərini səsləndirəndə Kamleş nahar hazırlayırdı. Ardınca hər şey yuxu kimi olub, qadın yanız Sancivin onu arxa tərəfdən boynundan tutaraq yerə əydiyini və mətbəx bıçağı ilə burnunu kəsdiyini xatırlayır. “Ər”in səsləndirdiyi son sözlər: “İndi sən həmişə belə qalacaqsan”.
Kamleş dərhal valideynlərinə zəng vurub. Valideynləri onu xəstəxanaya aparıb. Zərərçəkmişin qanaxması durdurulub, yarası sarınıb. Burnu tikməyə imkan olmayıb, belə ki, Sanciv onu özü ilə götürüb. Kamleşin ailəsi plastik əməliyyat xərclərini ödəmək imkanına malik deyil.
Polis törədilən cinayət barədə ərizəni qəbul etsə də, cinayətkarın tutulacağından şübhələnir.(modern)
İnterpress.az
