Türkiyəyə məxsus hərbi helikopterin vurulması nəticəsində 2 əsgər şəhid olub.
İnterpress.az xəbər verir ki, bu barədə Türkiyənin baş naziri Binəli Yıldırım məlumat verib.
***
İnterpress.az xəbər verir ki, prezident AKP-nin iclasında: “Silahlı Qüvvələrimiz cəsarətləri, qanları, canları ilə bu mübarizəyə davam edirlər. Az öncə helikopterimiz vuruldu. Savaşın içindəyiksə, itkilərimiz də olacaq”.
Daha sonra Ərdoğan: “Bizim bir helikopterimiz vuruldu, amma terrorçular bunun əvəzini artıqlaması ilə ödəyəcəklər. Çünki biz qərarlıyıq və inanırıq. Bunu da bacaracağıq”, sözlərini vurğulayıb.
Qeyd edək ki, yanvarın 20-də Türk Silahlı Qüvvələri və Azad Suriya Ordusu Suriyanın Afrin bölgəsində PYD, YPG və İŞİD terrorçularına qarşı əməliyyata başlayıb. Ümumilikdə, 1141 terrorçu məhv edilib.
İnterpress.az
