İnterpress.az-ın verdiyi xəbərə görə, o, facebook sosial şəbəkəsində paylaşdığı növbəti statusunda bu barədə yazıb: “Azərbaycanda Hüquq Mühafizə Orqanlarının durumunu görmək üçün hər hansısa bir analitik mərkəzə, araşdırmaya ehtiyac yoxdur. Kifayətdir ki, İnterpolun (190 ölkənin üzv olduğu Beynəlxalq Cinayət Polisi İdarəsi) rəsmi saytında axtarışda olan şəxslərin siyahısına nəzər yetirəsiz. Yer Kürəsi üzrə 388 beynəlxalq axtarışda olan insanın 160-ını Azərbaycan dövləti axtarır. Bu dəhşətdir! 190 dövlət üzrə axtarışda olan insanların 41 faizi Yer Kürəsi əhalisinin 0.1 faizini təşkil edən bir dövlətin üzərinə düşür”.
İnterpress.az
