Təyyarədə peyda olan kobra təhlükəli anlar yaşadıb.
Bu barədə İnterpress.az xarici mediaya istinadən xəbər verir.
Pilot kabinədə oturacağın altında peyda olan iki metrlik kobra ilə əlaqədar olaraq təcili eniş etmək məcburiyyətində qalıb.
“İlanın çaxnaşma yarada biləcəyindən narahat idim, ona görə də bir dəqiqə gözlədim. Sonra oturacağımın altında ilan olduğunu, ona görə təcili eniş edəcəyimizi söylədim. Xoşbəxtlikdən hamı sakit qaldı”, pilot deyib.
Qeyd edək ki, bu kobra ilanı Cape adlanır və o, Afrikanın ən təhlükəli kobralarından biri hesab olunur.
