Fransanın Alp dağlarında qar uçqunu nəticəsində azı 4 nəfərin öldüyü açıqlanıb.
Bu barədə İnterpress.az xarici mediaya istinadən xəbər verir.
Hadisə bazar günü günorta saatlarında Fransanın cənub-şərqindəki Mont Blan yaxınlığındakı Armancet buzlağında baş verib.
Rayon merinin müavini bildirib ki, ölənlərdən ikisi dağ bələdçisidir.
Yaralıların xəstəxanaya aparıldığı, 2 nəfərin hələ də itkin düşdüyü açıqlanıb.
Uçquna dağın zirvəsindən yağan qar qatının səbəb olduğu bildirilib.
İtkin düşən iki şəxsin axtarışlarının bu gün bərpa olunacağı gözlənilir.
