Cənubi Koreyanın Çanqvon şəhərində avtobus sürücüləri maaşların artırılması və pensiya yaşının artırılması tələbi ilə tətilə başlayıblar.
Bu barədə İnterpress.az xarici mediaya istinadən xəbər verir.
Maaş danışıqlarından istənilən nəticə alına bilmədiyi üçün 9 şirkətin həmkarlar ittifaqı şuraları yerli vaxtla saat 05.00-da tətilə başlayıb.
Avtobus sürücüləri maaşlarının 7,4 faiz artırılmasını, pensiya yaşının 65-ə qaldırılmasını tələb ediblər.
Tərəflər maaşların 3,5 faiz artırılması ilə bağlı razılığa gəlsələr də, uzun danışıqlardan sonra digər məsələlərdə razılığa gələ bilməyiblər.
Şirkətlər şəhərdəki avtobusların 95 faizini, 724 avtobusu idarə edir.
Mümkün pozuntuların qarşısını almaq üçün hökumət şəhərə 142 müqaviləli avtobus və 10 ictimai avtobusu pulsuz təklif etməyi, avtobus marşrutlarına daha ucuz qiymətə 800 taksi buraxmağı planlaşdırır.
