Avropa İttifaqı (Aİ) COVID-19 kimi fövqəladə hallarda son çarə kimi patent mühafizəsinin dayandırılmasına imkan verəcək yeni sistemin yaradılmasını təklif edib.
Bu barədə İnterpress.az xarici mediaya istinadən xəbər verir.
Aİ Komissiyası İttifaqın patent qaydalarında dəyişiklikləri ehtiva edən yeni tənzimləmə paketini açıqlayıb.
Müvafiq olaraq, böhran dövründə tətbiq olunacaq yeni AB-də məcburi lisenziyalaşdırma sistemi qurulacaq.
AB ortaq bazarında çip və ya sağlamlıq kimi sahələrdə meydana gələ biləcək böhranlar bu əhatəyə daxil ediləcək. Beləliklə, razılaşmaların könüllü olaraq edilə bilməyəcəyi və ya böhranın öhdəsindən gəlmək üçün kifayət etmədiyi halda son çarə olaraq tətbiq olunacaq sistem, əhəmiyyətli patentli məhsul və texnologiyalara çıxış təmin edəcək.
Bu təcrübə ilə AB-nin böhranlara qarşı dayanıqlığı artırılacaq.
Məcburi lisenziyalaşdırma Aİ-də fövqəladə vəziyyət və ya böhranın rəsmi elanını tələb edəcək.
Bu tədbirlərdən zərər çəkənlərə müəyyən məbləğdə ödəniş ediləcək.
Hazırda Aİ-də ümumi məcburi lisenziyalaşdırma sistemi yoxdur. 27 üzv ölkədə bununla bağlı müxtəlif qaydalar tətbiq edilir.
Təklifin qanuna çevrilməsi üçün Avropa Parlamentinin və üzv dövlətlərin təsdiqi tələb olunur.
Patentlərin məcburi lisenziyalaşdırılması dövlət orqanlarının patent sahibinin icazəsi olmadan patent hüquqlarından istifadə etmək üçün patent sahibindən başqa hər kəsə icazə verməsi deməkdir.
