Kolumbiya 2019-cu ildə ayrıldığı Cənubi Amerika Millətlər İttifaqına (UNASUR) qayıdacağını açıqlayıb.
Bu barədə İnterpress.az xarici mediaya istinadən xəbər verir.
Keçmiş prezident İvan Duke dövründə UNASUR-dan ayrılan Kolumbiya prezident Qustavo Petronun qərarı ilə birliyə qayıtmaq qərarına gəlib.
Petro yenidən UNASUR-a qoşulacaqlarını bildirib və birliyin adının “Cənubi Amerika Millətləri Assosiasiyası” olaraq dəyişdirilməsini tələb edib:
“Konqresə təqdim edilən qanun layihəsinin təsdiqindən sonra biz UNASUR-a yenidən qoşulmaq qərarına gəldik və zaman keçdikcə plüralizm və daimiliyi təmin etmək üçün onun Cənubi Amerika Millətləri Assosiasiyası adlandırılmasını xahiş etdik”.
2019-cu ildə UNASUR-u tərk edən Argentina martın 22-də, Braziliya isə aprelin 8-də geri qayıtdıqlarını açıqlayıb.
UNASUR Çavesin təşviqi ilə yaradılıb.
Hazırda UNASUR-un üzvü olan ölkələr Venesuela, Boliviya, Qayana, Surinam və Perudur.
UNASUR 2008-ci ildə ABŞ-ın regiondakı təsirinə qarşı, keçmiş Venesuela prezidenti Uqo Çavesin təşviqi ilə yaradılıb.
UNASUR-dakı altı ölkə 21 aprel 2018-ci ildə bloka kimin rəhbərlik edəcəyi ilə bağlı fikir ayrılıqlarına görə üzvlüklərini dayandırıb.
Boliviya, Argentina, Braziliya, Çili, Kolumbiya, Paraqvay və Peru baş katib seçimində fikir ayrılıqları səbəbilə həmin vaxt UNASUR-u müvəqqəti tərk etmək qərarına gəldiklərini açıqlayıblar.
