14 ayaqlı nəhəng izopod böcəyi Tayvanın paytaxtı Taybeydə restoranlardan birinin menyusunun ən çox yeyilən xörəyinə çevrilib.
Bu barədə İnterpress.az xarici mediaya istinadən xəbər verir.
İnsanlar bu xörəyi yemək üçün növbəyə durublar.
Mayın 22-də “The Ramen Boy” restoranında 100-dən çox insan restoranda nahar etmək üçün gözləmə siyahısına qoşulub.
Restoranın sahibi 37 yaşlı Hu deyib ki, yemək görünüşünə görə çox cəlbedici, çox yaraşıqlı görünür. Bişirmə üsuluna gəlincə, biz buxardan istifadə edirik, ən sadə üsuldur, ona görə də onu emal etmək çətin deyil.
İzopod 10 dəqiqə buxarda bişirilir.
