Avropa İttifaqı (Aİ) Moldovada tərəfdaşlıq missiyası açır.
Bu barədə İnterpress.az xarici mediaya istinadən xəbər verir.
Avropa İttifaqının (Aİ) Xarici Əlaqələr və Təhlükəsizlik Siyasəti üzrə Ali Nümayəndəsi Josep Borrell bildirib ki, Moldova Rusiya təhlükəsi qarşısında tək deyil.
Borrell sabah Moldovanın paytaxtı Kişinyovda Avropa qitəsindəki ölkələrin liderlərini və Aİ qurumlarının rəhbərlərini bir araya gətirəcək Avropa Siyasi Birliyinin (AST) Toplantısından əvvəl Tərəfdaşlıq Missiyasının açılışını edib.
Borrell Moldovanın Aİ-nin strateji tərəfdaşı olduğunu və ittifaqın gələcək üzvü olduğunu söyləyib.
İlkin olaraq 15 əsgərdən ibarət missiya iki tərəf arasında təhlükəsizlik və müdafiə sahəsində əməkdaşlığı gücləndirmək, həmçinin Moldovanın hazırkı təhdidlər və gələcək böhranlar qarşısında dayanıqlılığına töhfə vermək məqsədi daşıyır.
