Birləşmiş Millətlər Təşkilatının Malidəki Çoxölçülü İnteqrasiya edilmiş Sabitləşdirmə Missiyası ölkənin Kidal bölgəsindəki bazadan çəkilib.
Bu barədə İnterpress.az xarici mediaya istinadən xəbər verir.
MINUSMA-nın verdiyi açıqlamaya görə, artan terror hücumları və təhlükəsizlik səbəbilə sülhməramlıların Malinin şimalındakı Kidal bazasından çıxarılması prosesi başa çatıb.
Malidəki digər MINUSMA bazası olan Aguelhokdan da çəkilmənin planlaşdırıldığı paylaşılıb.
MINUSMA bölgədə yaşayış şəraitinin sürətlə pisləşməsi və yüzlərlə missiya zabitinin təhlükəsizlik problemi ilə üzləşməsi səbəbindən bazaları boşaltmaq qərarına gəlib.
2013-cü ildən Malidə fəaliyyət göstərən MINUSMA, Mali hökumətinin tələbi ilə ilin sonuna qədər ölkədən tamamilə çəkiləcəyini açıqlayıb.
Dünyada ən çox itki verən sülhməramlı qüvvə: MINUSMA MINUSMA 25 aprel 2013-cü ildə Malidə baş verən təhlükəsizlik böhranından sonra yaradılıb.
Bu günə qədər 180-dən çox üzvünü itirən MINUSMA “dünyada ən çox itki verən sülh gücü” kimi tanınır. Bundan əlavə, Mali BMT-nin sülhməramlı missiyaları üçün “ən təhlükəli ölkə” hesab olunur.
