Polşanın Wieruszov şəhərində Gürcüstanın Marneuli sakini olan azərbaycan əsilli şəxs öz bacısını qətlə yetirib.
Bu barədə İnterpress.az xarici mediaya istinadən xəbər verir.
Yayılan məlumatlara görə, cinayət ölkənin mərkəzi hissəsində yerləşən Wieruszov şəhərində kirayə mənzildə baş verib. Mövcud məlumata görə, qadın gecə saatlarında evdə tək olarkən öldürülüb.
Polşa hüquq-mühafizə orqanlarının məlumatına görə, qadın boyun nahiyəsindən aldığı xəsarətlər nəticəsində yerindəcə dünyasını dəyişib. Qadının cəsədini mənzildə yaşayan və səhər tezdən evə qayıdan Gürcüstan vətəndaşları aşkar ediblər.
Cinayət törətdiyi iddia edilən şəxsin artıq təsviri var və o, axtarışa verilib. Qətlin səbəbi hal-hazırda məlum deyil.
