Litva Mərkəzi Asiyadan olan miqrantları rədd edəcək.
İnterpress.az xəbər verir ki, bu barədə Litvanın baş naziri Gintautas Paluckas Prezident sarayında jurnalistlərlə söhbətində deyib.
Baş nazir ölkəsinin miqrasiya siyasətinə yenidən baxacağını və mədəni baxımdan ona daha yaxın olan ölkələrdən işçilərin cəlb edilməsinə diqqət yetirəcəyini bildirib.
“Təəssüf ki, etiraf etməliyik ki, bəzi ölkələrdən olan insanlar radikallaşmaya meyllidirlər:
Bəlkə də biz immiqrasiya siyasətinə yenidən baxaraq, səylərimizi mədəni baxımdan bizə daha yaxın olan ölkələrdə ixtisaslı işçilər tapmağa yönəltməliyik”, – Paluckas bildirib.
Onun şərhləri Dövlət Təhlükəsizliyi Departamentinin (SSD) rəhbəri Darius Yanişkisin bazar günü Litvanın terror qruplaşmaları ilə əlaqəsi və potensial radikallaşma səbəbi ilə təxminən onlarla Mərkəzi Asiya vətəndaşının ölkəyə girişini qadağan etdiyini söyləməsindən sonra gəlib.
Paluckas vurğulayıb ki, ölkənin mədəni yaxınlığa uyğunluğunu artırmaq məqsədi ilə gələcəkdə miqrasiya siyasətinə yenidən baxılacaq.
Qeyd edək ki, son illər Litvaya Mərkəzi Asiya ölkələrindən gələn miqrantların sayı artıb.
Xuraman Etibarlı
İnterpress.az
