Şaolin rahibi olmaq ayda 1 000 dollara başa gəlir.
İnterpress.az xəbər verir ki, bu barədə “Mash Money” layihəsi məlumat yayıb.
Şaolin rahibi kimi məşq etmək və bu fəlsəfəni öyrənmək ayda təxminən 1000 dollara (təxminən 1 700 manat) başa gəlir.
Dünyanın hər yerindən, xüsusən də gənc qızlar Şaolin məbədinin yaxınlığındakı kommersiya məktəblərinə (məsələn, Henan əyalətinin Denfen şəhərində) üz tuturlar.
Onlar gündə 5-8 saat ərzində ağır fiziki məşqlər keçir, bədənlərini möhkəmləndirir və kunq-fu texnikasını təkmilləşdirirlər. Sosial şəbəkələrdə bu cür ağır məşqləri əks etdirən videolar tez-tez viral olur.
Təxmini qiymətlər aşağıdakı kimidir:
-
1 ay: 800–1300 dollar (təxminən 1 360–2 210 manat);
-
3 ay: 2 800–3 900 dollar (təxminən 4 760–6 630 manat);
-
Yarım il: 5 000–7 700 dollar (təxminən 8 500–13 090 manat);
-
1 il: 5 000–8 000 dollardan çox (təxminən 8 500–13 600+ manat, endirimlərlə).
Təyyarə biletləri, viza və digər xırda xərclər bu məbləğə daxil deyil. Lakin bəzi məktəblər bütün bu xərcləri tur paketinin qiymətinə daxil edirlər.
“Hər şey daxil” sistemi ilə təklif olunan bu “istirahətə” yataqxana, sadə Çin yeməkləri, hərbi geyim, kunq-fu məşqləri, silahlarla iş, meditasiya və siqun dərsləri daxildir.
Bu məktəblərə qəbul olmaq olduqca asandır: sadəcə məktəbi seçir, müraciət göndərir, dəvətnamə alır və uçursunuz.
Bir çox insan bu ağır fiziki yüklənmələrə dözə biləcəyini yoxlamaq üçün ilk növbədə 2-4 həftəlik kurslarla başlayır.
Xuraman Etibarlı
İnterpress.az
