Hadisə bu gün saat 15:30 radələrində İsmayıllı-Qaraməryəm yolunun 2-ci kilometrliyində qeydə alınıb.
İsmayıllının Kürdmaşı kənd sakininə məxsus 31-EP-121 dövlət nömrə nişanlı “VAZ 2106” markalı minik avtomobili hərəkətdə olarkən sürücü idarəetməni itirib və avtomobil yoldan çıxaraq aşıb. Hadisə zamanı avtomobildə olan şəxslər – 1979-cu il təvəllüdlü Hacıyev Zaur Ədalət oğlu, 1965-ci il təvəllüdlü Cəfərov Salman Abdulla oğlu və 1968-ci il təvəllüdlü Cəfərova Ruqiyə Allahverdi qızı müxtəlif dərəcəli bədən xəsarətləri alıblar. Onlar İsmayıllı rayon Mərkəzi Xəstəxanasına yerləşdirilib.
Faktla bağlı İsmayıllı rayon Polis Şöbəsi tərəfindən araşdırma aparılır. (apa)
İnterpress.az
