Arxeoloqlar ABŞ-ın Florida ştatındakı Dry Tortugas Milli Parkında su altında qalmış adada 19-cu əsrə aid dəfn qalıqları tapıblar.
Bu barədə İnterpress.az xarici mediaya istinadən xəbər verir.
ABŞ-ın Dry Tortugas Milli Parkında 19-cu əsrə aid qəbiristanlıq suyun altında tapılıb.
Bu kəşf ABŞ-ın Sualtı Resurslar üzrə Milli Park Xidmət Mərkəzi, Cənub-Şərqi Arxeologiya Mərkəzi və Mayami Universitetinin tələbəsinin birgə səyinin nəticəsidir.
Səlahiyyətlilər məzarın Dry Tortugas Milli Parkında su basmış adada yerləşən Fort Jefferson qalasında tapıldığını və 1861-1865-ci illər arasında Amerika vətəndaş müharibəsi zamanı 1861-ci ildə həlak olmuş fəhlə Con Qrerə aid olduğunu açıqlayıb.
