ABŞ Müdafiə Nazirliyinə (Pentaqon) bağlı All Fields Anomaliyaların Həlli Ofisinin direktoru Sean Kirkpatrick bildirib ki, hazırda ictimaiyyət arasında “UFO” kimi tanınan naməlum uçan obyektlərlə bağlı 650-dən çox məlumatı araşdırırlar.
Bu barədə İnterpress.az xarici mediaya istinadən xəbər verir.
Kirkpatrick Senatın Silahlı Qüvvələr Komitəsində yeni təhdidlər və imkanlar haqqında dinləmələrdə danışıb.
Ötən ilin avqustunda yaradılmış ofisinin fəaliyyətini şərh edən Kirkpatrick bildirib ki, hazırda tədqiq etdikləri naməlum uçan obyektlərin sayı 650-dir.
“Əlimizdə olan 650-dən çox hadisənin yarısına maraqlı anormal dəyərlərə sahib olmaq üçün üstünlük verdik və onlar haqqında nə qədər məlumatımız olduğunu görmək üçün onları nəzərdən keçirəcəyik”, Kirkpatrick deyib.
Milli Kəşfiyyat İdarəsinin yanvarın 12-də açıqladığı hesabatda müəyyən edilmiş uçan obyektlərin ümumi sayı 510-dur.
Sessiyada iki məxfi görüntünü göstərən Kirkpatrick, onlardan birinin həll edilə biləcəyini, digərini isə hələ də həll edə bilmədiklərini ifadə etdi.
İlk videoda 2022-ci ildə Yaxın Şərqdə MQ-9 dron kamerasının ekranından keçən kiçik kürə göstərilib.
Kamera obyekti hərəkət edərkən izlədi və sözügedən obyekt bir neçə dəfə kadra daxil olub, çərçivədən çıxdı.
