Avropa İttifaqı (Aİ) Komissiyasının sədri Ursula von der Leyen Rusiyadan almaz idxalına qadağa da daxil olan 12-ci sanksiya paketi üçün hazırlıqların getdiyini, həmçinin dondurulmuş Rusiyanın mənfəətinə diqqət yetirən ayrı bir təklif üzərində çalışdıqlarını söyləyib.
Bu barədə İnterpress.az xarici mediaya istinadən xəbər verir.
Avropa İttifaqı (Aİ) Komissiyasının sədri Ursula fon der Leyen və Aİ Şurasının sədri Çarlz Mişel Brüsseldə keçirilən Aİ Liderlər Sammitinin yekununda keçirilən mətbuat konfransında açıqlama veriblər.
“Biz hazırda 12-ci sanksiya paketinin hazırlanması prosesindəyik və bu məsələ ilə bağlı üzv dövlətlərlə məsləhətləşmələr aparırıq”, – Von der Leyen deyib.
O, xüsusilə Rusiyanın Avropaya və tərəfdaş ölkələrə almaz ixracından əldə etdiyi gəlirin necə kəsilə biləcəyini araşdırdıqlarını bildirib.
Von der Leyen brilyant ixracı qadağasının G7 tərəfdaşları ilə çox yaxın əməkdaşlıqda ediləcəyini vurğulayıb: “Sanksiyaların düzgün və effektiv şəkildə həyata keçirilməsinə əmin olmaq istəyirik”.
Rusiyanın Aİ-dəki dondurulmuş aktivləri ilə bağlı fon der Leyen deyib ki, bu da müzakirə mövzusu olub.
Von der Leyen, keçən il Rusiyanın ictimai aktivlərinin dondurulması ilə bağlı mühüm siyasi qərar verdiklərini xatırladaraq, dondurulmuş Rusiya varlıqlarının dəyərinin 211 milyard avroya çatdığını bildirib.
