İngiltərənin həftə sonu Xartum səfirliyindəki işçilərini evakuasiya etmək səyləri digər ölkələrin öz vətəndaşlarını xilas etməsini gecikdirib.
Bu barədə İnterpress.az xarici mediaya istinadən xəbər verir.
Alman mənbələri Britaniya qüvvələrinin Sudan ordusunun razılığı olmadan Sudana eniş etdiyini iddia edib.
Qeyd edilib ki, digər Avropa ölkələri öz vətəndaşlarını Sudandan təhlükəsiz şəkildə təxliyə etməyə çalışıblar.
Almaniya digər Avropa ölkələri kimi Xartumun şimalındakı hava limanından istifadə etməyi planlaşdırıb.
Bildirilib ki, Britaniyanın əvvəllər elan olunmamış hərbi mövcudluğu Sudan ordusunu qəzəbləndirib və evakuasiya üçün hava limanına girişi qadağan edib.
Öz qoşunlarının Sudana icazəsiz enişindən sonra Britaniya əsgərləri ölkəni tərk etməmişdən əvvəl Sudan ordusuna pul ödəməli olub. Hava limanından istifadəyə dair danışıqlara görə Almaniya çox kritik bir zamanda “ən azı yarım gün” itirib.
Britaniya Müdafiə Nazirliyi təxliyyələrin gecikməsinə görə məsuliyyət daşıdığına dair iddiaları təkzib edib:
“Böyük Britaniyanın həftə sonu Sudandakı səfirlik işçilərini evakuasiya etmək səylərinin doğru olmadığı və Almaniyanın təxliyə planlarının yavaşladığı iddiası doğru deyil. Belə mürəkkəb şəraitdə fəaliyyət göstərməkdə hər zaman çətinliklər olacaq, lakin Fransız, Amerikalı “Alman tərəfdaşlarımızla son dərəcə yaxın işləmişik və təbii ki, Sudan Silahlı Qüvvələrinə minnətdarıq”.
Almaniya Sudanda təxliyə əməliyyatını başa çatdırıb. 6 təyyarə ilə 700-dən çox insan təxliyə edilib. Bu şəxslərin 200-ə yaxını Almaniya, digərləri isə Böyük Britaniya da daxil olmaqla 30 ölkənin vətəndaşıdır.
Xartumun şimalındakı hava limanı hazırda Britaniya tərəfindən evakuasiya əməliyyatları üçün istifadə olunur.
