Yaxın vaxtda Avropada enerji böhranının nəticələri hiss olunacaq.
Bu barədə İnterpress.az xarici mediaya istinadən xəbər verir.
Bu barədə Almaniyada yerləşən ABŞ firması araşdırma aparıb.
Ekspertlər enerji qiymətlərinin Rusiya-Ukrayna müharibəsi ilə başlayan böhrandan əvvəlki səviyyələrə qayıtmasını gözləmirlər.
Rusiya-Ukrayna müharibəsindən sonra ən dərin enerji böhranını yaşayan qitə Avropa olub.
Avropa alternativ enerji mənbələrinə üz tutub, böyük pullar xərcləyib. Yaşıl enerji hədəflərinə nail olmaq üçün əhəmiyyətli investisiyalar qoyulub.
Bununla belə, ABŞ-da yerləşən Boston Consulting Group-un son araşdırmasına görə, Avropada enerji böhranı hələ bitməyib.
Şirkətin Almaniyadakı ofisi araşdırma aparıb.
Nəticələrə görə, Avropada enerji qiymətlərinin böhrandan əvvəlki səviyyələrə qayıdacağını güman etmək yanlış ola bilər.
İdxal olunan maye qaz hazırda Rusiya qazından 2-3 dəfə bahadır.
Avropada 2030-cu ildə təbii qaz və elektrik enerjisi xərcləri ABŞ və Çin kimi ölkələrlə müqayisədə xeyli yüksək olacaq.
Bu vəziyyət avtomobil sənayesi, kimya sənayesi və tikinti materialları da daxil olmaqla bir çox sahələrə təsir etməkdə davam edəcək.
Bütün bu məlumatların sıralandığı araşdırmada Avropanın yüksək enerji qiymətləri səbəbindən struktur olaraq rəqabət qabiliyyətini itirdiyi bildirilir.
Tədqiqata daxil edilən ekspertlərin fikrincə, Avropa bu vəziyyətdən çıxmaq üçün bərpa olunan enerji və yaşıl hidrogen kimi bir çox dayanıqlı texnologiyaları təşviq etməlidir.
Həmçinin yaşıl enerjiyə keçid üçün maliyyə dəstəyinin göstərilməli olduğu bildirilib.
