Melburn 19-cu əsrdə Avstraliyada baş verən qızıl hücumundan sonra ilk dəfə olaraq Sidneyi geridə qoyaraq ölkənin ən gur şəhəri olub.
Bu barədə İnterpress.az xarici mediaya istinadən xəbər verir.
Bu, Sidneyin 100 ildən artıqdır ki, ölkənin ən sıx yaşadığı şəhər titulunu itirməsinə səbəb olan sərhəd dəyişikliyidir.
Melburndan kənarda yerləşən Melton ərazisi bu yaxınlarda şəhər sərhədlərinə daxil edilib.
Bunun ardınca yeni açıqlanan 2021-ci ilin iyun məlumatlarına görə Melburn əhalisi 4 milyon 875 min 400 nəfərə çatıb.
Bu, Sidneydən 18 700 nəfər çoxdur.
Avstraliya Statistika Bürosu şəhərlərin əhalisini hesablayarkən, 10 mindən çox insanın yaşadığı və şəhərlə birbaşa əlaqəsi olan şəhərətrafı rayonları bu şəhərlərin əhalisinə əlavə edir.
Buna görə böyüyən Melton Melburna daxil edilib.
