“Deyirdilər, Azərbaycan darmadağın edilib, hər şey tərsinəymiş”- Erməni əsgərin anası – VİDEObackend

“Deyirdilər, Azərbaycan darmadağın edilib, hər şey tərsinəymiş”- Erməni əsgərin anası – VİDEO

  • whatsapp
  • messenger
  • telegram
  • vkontakte
  • odnoklassniki

Erməni anaları 44 günlük müharibədən sonra artıq bir ildir ki, onları narahat edən suallara cavab tapa bilmirlər: 44 günlük müharibədə verilən əmrlər düzgün idimi? Geri çəkilmək haqqında əmr zərurətdən doğurdumu? Müdafiə Nazirliyi ordunun hazırlıqsız olmasından xəbərsiz idimi?

müharibənin 20-ci günündə Azərbaycanın işğal altındakı Cəbrayıl rayonunda həyatını itirmiş Erik Hacikyanın anası və xalası “Azadlıq” radiosunun erməni bürosuna danışıblar. Onlar ordunu hazırlıqsız şəraitdə müharibəyə başladan rəhbərliyi ittiham ediblər. Erməni əsgərin xalası Zara Çabinyan hazırlıqsız müharibə aparmağın satqınlıq olduğunu deyib:

“İdarəçilik zəif olub. Bunun nəticəsində də itkilərin sayı-hesabı yoxdur. Bunun adı xalqa xəyanətdirmi? Bəli”.

Erməni əsgərin anası Lilit Hacikyan Müdafiə Nazirliyini müharibə boyunca yalan məlumat yaymaqda ittiham edib:

“Müdafiə Nazirliyi deyirdi ki, guya hər şey yaxşıdır, qələbə bizimlədir. Biz də inanırdıq ki, Azərbaycan darmadağın edilib və tezliklə tam qələbə çalacağıq. Amma durum tam tərsinəymiş”. /Qafqazinfo/