Ermənistan “konyak” və “şampan” adlarından imtina edəcək.
İnterpress.az xəbər verir ki, bu barədə Ermənistan baş naziri Nikol Paşinyan bəyan edib.
O deyib ki, ölkə “erməni konyakı” və “erməni şampanı” adlarından imtina edə bilər.
Paşinyan bildirib ki, “erməni konyakı” anlayışı mövcud deyil.
Qeyd edək ki, “konyak” adı Fransada qorunan beynəlxalq coğrafi işarədir və bu adı istehsalçı şirkətlər, tarixən, beynəlxalq hüquqa uyğun olaraq istifadə edirlər. Məsələn, 1892-ci ildə “Şustov və Ko” şirkəti bu içki növünü istehsal edib.
“Şampan” isə Fransanın Şampan bölgəsindən gələn qazlı şərab növüdür və yalnız bu bölgədən olan məhsula tətbiq olunur.
Xuraman Etibarlı
İnterpress.az
