“Tokyo Electric Company” Fukusima Daiichi Atom Elektrik Stansiyasında boruları təmizləyən iki işçinin radiasiyalı suya məruz qaldıqdan sonra xəstəxanaya yerləşdirildiyini açıqlayıb.
Bu barədə İnterpress.az xarici mediaya istinadən xəbər verir.
Tokyo Elektrik Şirkəti (TEPCO) qabaqcıl maye sistemində boruları təmizləyən 5 işçidən 2-nin boş borulardan radiasiyalı suya məruz qaldığını və ehtiyat tədbiri olaraq xəstəxanaya yerləşdirildiyini açıqlayıb.
TEPCO işçilərin səhhətinin yaxşılaşdığını və həkimlərin diaqnozu nəticəsində radiasiya yanıqları ehtimalının aşağı olduğunu bildirib.
Beş işçidən dördünün bədənində radiasiya aşkar edildiyini qeyd edən TEPCO 2 işçinin daha da radiasiyaya məruz qalması səbəbindən nəzarətdə saxlandığını vurğulayıb.
2011-ci ildə baş verən zəlzələdən sonra Yaponiyanın Fukuşima Atom Elektrik Stansiyasının üç reaktoru sunami nəticəsində zədələnmiş və reaktorlarda nüvə ərimələri başlayıb.
Soyutma üçün istifadə edilən və reaktorlardakı radioaktiv yanacaq çubuqları ilə təmasda olan su elektrik stansiyasının kampusunda saxlanılaraq Qabaqcıl Maye Emalı Sistemi (ALPS) ilə təmizlənərək 2023-cü ilin avqustunda okeana buraxılmağa başlanıb. Okeanları və dəniz canlılarını çirkləndirdiyi üçün tənqid hədəfi olan Yaponiyanın baş naziri Fumio Kişida bölgədən gələn dəniz məhsullarını yeyərək tənqidlərə cavab verib.
