İsrail ordusu Livanın cənubunda HƏMAS komandirinin öldürüldüyünü təsdiqləyib.
İnterpress.az xəbər verir ki, ötən gecə Livanın cənubundakı Sidonda İsrailin hava hücumu nəticəsində HƏMAS-ın qərb sektorunun komandiri Həsən Fərhat öldürülüb.
Müharibə zamanı onun İsrail qüvvələrinə və mülki şəxslərə qarşı çoxsaylı hücumlar təşkil etdiyi, həmçinin bir İsrail əsgərinin ölümünə və bir neçə nəfərin yaralanmasına səbəb olan raketlərin atılmasına görə məsuliyyət daşıdığı qeyd edilir.
Bundan əvvəl Livan mediası Fərhatın aradan götürülməsi barədə məlumat yayıb.
Xuraman Etibarlı
İnterpress.az
