Kadırov və ailə üzvləri Ukrayna müharibəsindən sonra 150-yə yaxın mükafat alıblar.
Interpress.az xəbər verir ki, bu barədə “Verstka” araşdırma materialına istinadən məlumat yayıb.
Çeçenistan rəhbəri Ramzan Kadırov və onun ailə üzvləri Rusiya-Ukrayna müharibəsinin başlamasından sonra 146 müxtəlif orden və medalla təltif olunublar.
2022-ci ildən bu günədək ümumilikdə 29 ailə üzvü dövlət və hərbi mükafatlara layiq görülüb.
Siyahıda ən çox təltif olunan şəxs Çeçenistan rəhbəri Ramzan Kadırovun özü olub — o, son iki il ərzində 31 mükafat alıb. Bu, təxminən hər 40 gündə bir medal deməkdir.
İkinci yerdə isə onun oğlu Adam Kadırov qərarlaşıb — o, bu müddətdə 16 medal və fərqlənmə nişanı ilə təltif olunub.
Məlumatda qeyd olunur ki, bu cür mükafatların tez-tez və geniş miqyasda verilməsi ictimaiyyət və ekspertlər arasında suallar doğurur.
Xuraman Etibarlı
Interpress.az
